შოკოლადის ნამცხვარი, რომელიც მარტივად და ძალიან ბიუჯეტურად მზადდება (ვიდეო)

დღეს გთავაზობთ შოკოლადის ნამცხვრის მარტივ და ბიუჯეტურ რეცეპტს, რასაც არ სჭირდება არც კვერცხი, არც რძე და არც კარაქი.

ამისთვის დაგჭირდებათ 2 ცალი ჯამი, ბისკვიტის მასისა და შოკოლადის მინანქრის მოსამზადებლად

ერთ ჯამში ჩაასხით 2 ჭიქა წყალი, 3 ან 4 ჭიქა მცენარეული ზეთი და მოურიეთ ხელის ან ელექტრო მიქსერით.

მეორე ჯამში ჩაყარეთ 3 ჭიქა ფქვილი, 2 ჭიქა შაქარი, ვანილი 1 პაკეტი, 1 ან 2 ჭიქა კაკაო, 4 ჩაის კოვზი გამაფხვიერებელი, 1 ჩაის კოვზი მარილი.  მოურიეთ, რათა ყველა ინგრედიენტი შეერიოს და მიიღოთ ყავისფერი მასა.

შემდეგ, ამას დაასხით პირველ ჯამში გახსნილი ზეთიანი წყალი და ათქვიფეთ მანამ, სანამ ყველაფერი არ გაიხსნება და არ მიიღებთ საშუალო სისქის შოკოლადის მასას.

საცხობ ფორმაში ან მსგავს ჭურჭელში, რასაც ღუმელში იყენებთ, ჩაასხით მასა და გამოაცხეთ 180 გრადუსზე 40-50 წუთის განმავლობაში.

ამასობაში მოვამზადოთ შოკოლადის მინანქარი.

1 სუფრის კოვზი სახამებელი

3 სუფრის კოვზი შაქრის ფხვნილი

3 სუფრის კოვზი კაკაოს ფხვნილი

5-6 სუფრის კოვზი წყალი და მოვურიოთ კოვზით, სანამ არ მივიღებთ შოკოლადის მასას.

ბისკვიტის გამოცხობის შემდეგ, შოკოლადის მინანქარი მოვასხათ და გავაფორმოთ უკვვე ჩვენი გემოვნებით.

შოკოლადის ნამცხვარიც მზად არის!  გემრიელად მიირთვით

multinews

გიორგი ლაღიძე არის ვებ გამოცემების Multimedia.ge-ს და Multinews.ge-ს დამფუძნებელი და მთავარი რედაქტორი